طارق محمد
أول حاجة أنا راح أتكلم بلهجة عيال الغربية عاد أصحاب المناطق الثانية يسامحوني , ندخل في هرجتنا إلي هوا عن الفيس بوك هذا الموقع إلي عمل عمايل مو هينة عن نفسي سوى فيا شقلبات كبيرة أحيانا وأحيانا صغيرة الحمدلله مو سلبية ولا حتى إيجابية نرجع تاني لهرجتنا أول شي هذا فك أزمة لناس كتير عشان يوروا طريقة تفكيرهم ويوصلوا آراءهم الحلوة لو حلوة والسيئة لو سيئة أقول لو(لو) ولحد يفهم غلط وكمان قدروا يوصلوا لناس كثير وخلت الناس مرتاحين من ناحية إنهم ينشروا أطروحاتهم وأفكارهم بطريقة سلسة ومريحة وكون إن الجمهور مضمون (إنتا بس عليك تبدع) إبداع تمام ولا بطال ماحتفرق كتير طالما الجمهور ما عندهم مانع . وكمان حاجة تانية بس في دي المرة الفيس وبعض المواقع التانية متشاركين فيها إلي هيا خاصية المشاركة (شاربالإنجليزي) لأن الإنسان من طبعو يحب لو يتشارك مع الناس في الشي إلي يعجبو يعني مثلا راح أكون مبسوط لو قدرت أشارك وناستي مع أهلي أو أصحابي أو حتى حبايب قلبي . في كمان حاجة تانية حلوة من ورى راس هاد الفيس إنو يخليك في العالم الإفتراضي تتواصل مع ناس كتار وتتعرف عليهم يعني لو خويك نشر صورة مثلا فشي طبيعي إنو أصحابو راح يعلقوا عليها وإنتا واحد من أصحابو طبعا ومن هنا شوية شوية تقوموا تقلبوها وناسة وكل دا على حس خويكم تقول كأنكم في الشات وكدا وسبحان الله بكرة النهار إنتوا تصيروا أصحاب هذي النقطة تحديدا ممكن تقلب كارثة أحيانا مع البنات تدرون ليش ؟؟ لأن الشغلة بكرة أحيانا ماتفضل على صحبة وبس لآ ممكن تقلب معاكسات وحب وغزل ومن داك الكلام ومشوار طويل عريض وخطوط معلقة , وأيي واحد فيكم يقدر يخمن نهاية على كيف كيفو المهم لين هنا أنا أوقف خلاص لأن الكلام دايما يجر بعضو بس ما أنسى أعيد عليكم وأقول لكم كل عام وأنتم بألف خير وحبايب وتتحقق أمانيكم قولوا آمين .
تعليقات
إرسال تعليق